Ахова і абарона лесу

У ДПУ «НП «Браслаўскія азёры» вялікая ўвага надаецца пытанням аховы і абароны лесу. З мэтай абароны лясоў ад пажараў у 2023 годзе на тэрыторыі ўстановы створана 183 км мінералізаваных палос. Выраблены догляд за імі на агульнай плошчы 544 км, а таксама зроблены рамонт 30 км лясных дарог супрацьпажарнага прызначэння.

Ва ўстанове ёсць аўтаматычная сістэма маніторынгу і ранняга выяўлення пажараў "Лясны вартавы".

Лясной аховай вядзецца сталае патруляванне ляснога фонду. Штодзень задзейнічана на патруляванні каля 60 чалавек лясной аховы. У залежнасці ад умоў надвор'я вядзецца дзяжурства ў адміністрацыйных будынках лясніцтваў і ўстанове. Дзяжурным стала падтрымліваецца сувязь з дзяжурным РАНС.

Для ліквідацыі ўзніклых лясных пажараў ёсць:

• 3 спецыяльныя пажарныя аўтамабілі,

• 10 установак высокага ціску з ёмістасцю на 500 літраў,

• 17 мотапомп

• каля 4000 м пажарных рукавоў,

• 150 ранцавых лясных вогнетушыцеляў,

• 10 плугоў ПКЛ-70 для апашкі ачагоў.

Барацьбу з лесапарушэннямі вядзе дзяржаўная лясная ахова ў колькасці  158 чалавек. 

Агляд дзяржаўнай лясной аховы>>>

Вялікая ўвага надаецца і санітарнаму стану ляснога фонду. Асноўнай прычынай паслаблення насаджэнняў з'яўляецца прыродна-кліматычныя фактары (ветраваў, буралом, пашкоджанне дзікімі жывёламі, ствалавыя шкоднікі).

Звесткі аб загінуўшых лясных насаджэннях у 2023 годзе.