Паляванне

Паляўнічая гаспадарка Нацыянальнага парка "Браслаўскія азёры" размешчана ў паўночна-заходняй частцы Рэспублікі Беларусь на мяжы з Літвой і Латвіяй.

Агульная плошча паляўнічых угоддзяў складае 195,0 тыс.га, у тым ліку лясныя - 70,6 тыс.га, палявыя - 89,9 тыс.га, водна-балотныя - 34,5 тыс.га.

Раздзеленасць рэльефу пашырае краявідны склад расліннасці, павялічвае мазаіку паляўнічых угоддзяў, стварае ахоўны фактар. Мазаічнае размяшчэнне і комплекснае спалучэнне буйных і дробных лясных масіваў, шматлікіх азёр і звілістых рэк, верхавых і нізінных балот, палёў стварае ўнікальныя па прадуктыўнасці магчымасці для пасялення розных папуляцый дзікіх жывёл. Вялікая разнастайнасць біягеацэнозаў на плошчы больш як 200 тыс.га дае магчымасць паспяхова праводзіць назіранні за дзікім жывёльным светам, за рэдкімі і цікавымі відамі: лось, бабёр, выдра, барсук, кабан, казуля, норка, воўк, мядзведзь, рысь, белая курапатка, чорны бусел. , глушэц, шэры гусь, гогаль, баклан, цецярук, скопа, лебедзь-шыпун і інш.

Штогадовая здабыча паляўнічых жывёл складае:

лось - 180
казуля- 580
бабёр - каля 300
гусь – 800-1000
качка - 2000-3000
воўк - 30-40
ліса - 300-400
янотападобны сабака - каля 200
алень высакародны - 40