Арганізацыя паляўнічых тураў

   Нацыянальны парк "Браслаўскія азёры" арганізуе індывідуальныя і групавыя паляўнічыя туры, як для замежных грамадзян, так і для грамадзян РБ.

Штогод у нас палююць кліенты з Германіі, Францыі, Бельгіі, Польшчы, Фінляндыі, Расіі.

Арганізуюцца ўсе характэрныя для Беларусі віды палявання:

• калектыўнае паляванне - загонам дзікіх жывёл на стралкоў (стралковую лінію) з сабакамі

• індывідуальнае паляванне з падыходу, з пад'езда і з засады

• паляванне па пяры (на вадаплаўную, балотную і баравую дзічыну)

• паляванне на пушнога звера

• паляванне на ваўка (са сцяжкамі, з засады, на вабу) і іншыя віды паляванняў.

Адміністрацыя паляўнічай гаспадаркі прадастаўляе поўны пакет паслуг па арганізацыі паляўнічых тураў, уключаючы запрашэнне, сустрэчу, трансфер, камфартабельнае размяшчэнне, паляўнічыя мерапрыемствы, паслугі таксідэрмісты.  Права палявання ў Беларусі замежным грамадзянам даецца пры наяўнасці адпаведных паляўнічых дакументаў, выдадзеных у краіне пражывання.

Дадатковыя паслугі:

• афармленне дакументаў на правоз зброі і боепрыпасаў;

• сустрэча ў аэрапорце;

• суправаджэнне да месца прызначэння і назад;

• паслугі гіда-перакладчыка;

• арганізацыя палявання: забеспячэнне высокакваліфікаванымі егерамі, прадастаўленне транспарту;

• прэпараванне і падрыхтоўка трафеяў да перавозкі;

• афармленне дакументаў на вываз здабытых трафеяў;

• пражыванне на базах адпачынку

• беларуская кухня з традыцыйнымі стравамі ці стравамі па замове (у тым ліку і са здабытай дзічыны);

• руская лазня;

• цікавая экскурсійная праграма

Інфармацыю аб арганізацыі і правядзенні паляўнічых тураў Вы можаце атрымаць у   аддзеле паляўнічай гаспадаркі па тэлефонах: +375 2153 67 424, +375 29 292 19 76.