Экскурсійныя маршруты

Аглядная экскурсія па тэрыторыі Нацыянальнага парку “Браслаўскія азёры”

• Замкавая гара - былое ўмацаванае селішча V -XVIII стагоддзяў у Браславе

• • "Падарожжа на гару Маяк", якая з'яўляецца адной з лепшых аглядных кропак нашай Рэспублікі. Наведанне гаючай крыніцы (з сабой можна ўзяць посуд для вады, якая захоўваецца 1 месяц, не псуючыся)

• Наведанне вальераў з дзікімі жывёламі, характэрнымі для беларускага Паазёр'я

Экалагічная сцежка, пракладзеная па Слабодскай озавай градзе

• Пешаходны маршрут даўжынёй 4,5 км. Града з'яўляецца помнікам прыроды. Пазнаёміцеся з рэдкімі відамі рэльефу: озами, камамі і сухой эварзійнай катлавінай. Наведанне касцёла «Сэрца Ісуса»

Аглядная экскурсія па гораду Браславу

• Замкавая гара - былое ўмацаванае селішча V -XVIII стагоддзяў у Браславе

• Гісторыка-краязнаўчы музей у Браславе. Мае шэсць залаў сталай экспазіцыі, што адлюстроўвае найважныя гістарычныя падзеі рэгіёна, і выставачнае памяшканне (уваходныя квіткі набываюцца на месцы)

• Музей традыцыйнай культуры ў Браславе. Экспазіцыі ткацтва, лозапляцення, пляцення з саломкі, разьбы па дрэве, ганчарства, дрэваапрацоўкі. Можна набыць сувеніры (уваходныя квіткі набываюцца на месцы)

Назіранні за дзікімі жывёламі ў натуральным асяроддзі пражывання

Для тых хто хоча атрымаць захапляльны досвед назірання ў дзікай мясцовасці, мае жаданне і надзею ўбачыць дзікіх жывёл у іх натуральным асяроддзі пражывання і хоча атрымаць задавальненне ад сузірання жыцця жывёл у вольнай натуральнай прыродзе.

Прагулка па вальерна-сажалкавай гаспадарцы Нацыянальнага парку «Браслаўскія азёры»

Знаёмства турыстаў са структурай вальерна - сажалкавай гаспадаркі, а таксама з яго насельнікамі і іх жыццём. Вы ўбачыце штучныя вадаёмы і іх прызначэнне, сажалкавае рыбаводства і змену розных экасістэм рэгіёна, звязаных дзейнасцю чалавека.

“Архітэктура Беларускага паазер’я”

Від экскурсіі – аўтобусная

У Глыбокім вы пазнаёміцеся з горадам, яго забудовай, з царквой Ражства Багародзіцы, яркім прадстаўніком стылю барока на Беларусі – былым манастыром кармелітаў. Вы агледзіце адрэстаўраваны каталіцкі Троіцкі сабор – выдатны помнік архітэктуры, які злучае ў сабе рысы барока з элементамі стылю мадэрн. Вы наведаеце Дом рамёстваў, што адраджае народныя традыцыі, музей выдатнага авіяканструктара Паўла Сухога, выхадца Глыбокага, убачыце створаны ім самалёт СУ-17. У летні перыяд падаецца магчымасць наведаць дэндрар з больш чым 500 відамі раслін. Падчас экскурсіі вы наведаеце Мосар і азнаёміцеся з унікальным помнікам класіцызму апошняй чвэрці XVIII стагоддзя.

Маршрут экскурсіі

Сабор Ражства Багародзіцы - Троіцкі сабор - Дом рамёстваў – самалёт СУ-17-дэндрар - касцёл св. Ганны. І парк.

Маршрут працуе цэлы год.

«Полацк – найстаражытнейшы горад Беларусі і ўсходніх славян»

Від экскурсіі – пешаходная/аўтобусная. 

Аглядная экскурсія па Полацку на тэму «Полацк – найстаражытны горад Беларусі і ўсходніх славянаў» паказвае вытокі беларускай дзяржаўнасці, культуры і духоўнасці, багатую гісторыка-культурную спадчыну, нацыянальныя традыцыі, што з'яўляецца магутнай крыніцай зразумення роднай гісторыі і духоўнасці, неадымнай часткай нацыянальнай спадчыны, еўрапейскага і сусветнага культурнага працэсу. На прыкладзе помнікаў Полацка паказваюцца найважнейшыя этапы гісторыі Беларусі.

Маршрут экскурсіі

Верхні замак, Сафійскі сабор – Ніжні замак, былы манастыр Богаз'яўлення – дом Пятра I – помнік гвардзейцам-грыгор’еўцам– Свята-Пакроўская царква – плошча воінаў-інтэрнацыяналістаў –памятны знак літары «Ў» – вул. Еўфрасінні Полацкай, помнік Еўфрасінні Полацкай– Спаса-Еўфрасіннеўскі манастыр

Маршрут працуе цэлы год.

«Пастаўскае Паазер’е»

Від экскурсіі – пешаходная/аўтобусная

Паставы незвычайна багатыя помнікамі архітэктуры: цягам агляднай аўтобусна-пешаходнай экскурсіі вы наведаеце палацава-паркавы ансамбль 18 ст., закладзены вядомым арнітолагам графам Тызенгаўзам (поруч з палацам --яго помнік), а таксама Дом рамёстваў "Стары млын": тут выстаўлены лепшыя ўзоры народнай творчасці пастаўскіх майстроў. Агледзіце царкву Святога Мікалая (1894 г.), створаную ў руска-візантыйскім стылі, з традыцыйным для гэтага стылю багатым убраннем. Апроч гэтага вашаму позірку паўстане неагатычны касцёл Святога Антонія Падуянскага – жамчужына гістарычнага цэнтра.

Маршрут экскурсіі

Палацава-паркавы ансамбль - Дом рамёстваў "Стары млын"- царква Святога Мікалая - касцёл Святога Антонія Падуянскага. 

Маршрут працуе цэлы год.

«Сталіца рэспублікі Беларусь – горад Мінск»

Від экскурсіі – пешаходная

Сённяшні Мінск – буйны прамысловы і культурны цэнтр рэспублікі, важны транспартны вузел. Насельніцтва горада складае каля 2 мільёнаў жыхароў. У Мінску знаходзяцца Акадэмія навук, 14 вышэйшых навучальных устаноў, 10 музеяў, 10 выставачных залаў, дзе захаваны і выстаўлены для агляду экспанаты, што расчыняюць гісторыю беларускага народа, скарбы культуры і мастацтвы, матэрыялы пра жыццё і дзейнасць выдатных людзей.

Тут кожны куток прасякнуты гісторыяй. Экскурсія пачынаецца ў раёне Мінскага Замчышча – месца, дзе быў народжаны старажытны Мінск. Працягнецца ў Троіцкім прадмесці – захаваным гарадскім квартале XIX стагоддзя. На шляху нам сустрэнецца Востраў Слёз – мемарыяльны комплекс ваярам-інтэрнацыяналістам, які з часам стаў чымсьці вялікім – знакам матчынага смутку. І нарэшце, завершыцца экскурсія ля выдатнага архітэктурнага ансамбля Нацыянальнага акадэмічнага Вялікага тэатра оперы і балета Рэспублікі Беларусь.

Маршрут экскурсіі

Мінскае Замчышча – Траецкае прадмесце – Востраў Слёз – Вуліца Максіма Багдановіча – Вялікі тэатр

ЭКСКУРСІЙНЫЯ МАРШРУТЫ

** Экскурсія адбудзецца пры наборы групы не менш за 8 чалавек.

Кошт указаны з паслугамі  транспарту  ад базы адпачынку "Дрывяты"

Цэны ў доларах ЗША ўказаны па курсе Нацыянальнага банка Рэспублікі Беларусь на 17.06.2022
* Кошт без уваходных білетаў