Нацыянальны парк Браслаўскія азёры

RU BY EN




Рыбалка

Рыбалка


У ваколіцах Браслава размешчана адна з буйнейшых у Беларусі азёрных груп, вядомая пад назвай Браслаўскія азёры. У склад яе ўваходзяць больш за 50 азёраў. Іх агульная плошча перавышае 130 квадратных кіламетраў, а плошча басейна складае больш за 800 квадратных кіламетраў, або больш за трэць тэрыторыі раёна. Азёры злучаныя паміж сабою шматлікімі, але ў асноўным плыткімі ручаямі, рэчкамі і пратокамі.

У Браслаўскім раёне канцэнтрацыя азёр з’яўляецца проста ўнікальнай. Калі ўлічваць найдрабнейшыя вадаёмы, то ў нашым раёне налічваецца каля 300 азёр, якія займаюць 9% плошчы. Па шчыльнасці гэта не менш, чым у Фінляндыі - знакамітай азёрнай краіне.

Уражваюць рыбныя багацці Браслаўскіх азёр. З 58 відаў рыб, якія жывуць у вадаёмах Беларусі, у азёрах гэтай групы сустракаецца 28 відаў.

З каштоўных відаў у азёрах Браслаўшчыны сустракаюцца лешч, шчупак, судак, лінь, мянтуз, сазан. Прысутнічаюць акунь,плотка, чырвонапёрка, карась, верхаводка, галавень, рапушка, гусцяра, язь, ёрш, уюн.

Рыбаловы аматары выкарыстоўваюць наступныя віды лоўлі: паплаўковая лоўля на летнюю і зімовую вуды, фідэрная лоўля, лоўля на спінінг, на донку, стромае блешнаванне з лодкі ці на лёдзе, лоўля на жыўца на жарліцу. На трох вадаёмах дазволенае падводнае паляванне ў светлы час сутак.

На большасці азёр Нацыянальнага парку “Браслаўскія азёры” можна лавіць не больш чым на пяць кручкоў. Ліміт вылаву на аднаго рыбака за светлавы дзень – 5 кг. Напярэдадні лоўлі неабходна набыць пуцёўку на платнае аматарскае рыбацтва.

Дзейнічаюць наступныя забароны на лоўлю: агульная забарона з 10 сакавіка да 8 чэрвеня; забарона на лоўлю шчупака з 9 сакавіка да 25 красавіка, забарона на лоўлю наліма з 25 снежня да 28 лютага. Лоўля вугра забароненая на працягу года.


ІНФАРМАЦЫЯ ДЛЯ РЫБАЛОВАЎ-АМАТАРАЎ


На падставе артыкула103«Правілаў вядзення рыбалоўнай гаспадаркі і рыбалоўства ў Рэспубліцы Беларусь» пуцёўкі на платнае аматарскае рыбалоўства належаць вяртанню арандатару (карыстальніку) рыбалоўных угоддзяў, які іх выдаў, на працягу тэрміну, пазначанага ў пуцёўцы на платнае аматарскае рыбалоўства, з запаўненнем справаздачы аб колькасці вылаўленай рыбы па відах.

Аднак, за першы квартал 2011 года рыбаловы-аматары вярнулі толькі 20% ад агульнай колькасці атрыманых пуцёвак. У сувязі з гэтым, на падставе п. 2 артыкула 103 вышэйзгаданых Правілаў, асобам, якія не вярнулі ў вызначаны тэрмін пуцёўкі на платнае аматарскае рыбацтва, новыя пуцёўкі на працягу года выдавацца не будуць.

Усім астатнім рыбаловам-аматарам выдача пуцёвак будзе ажыццяўляцца толькі па прад'яўленні пашпарта (для вайскоўцаў – пасведчання асобы).

Спампаваць новыя правілы па рыбалцы ад 26 чэрвеня 2014 года можна тут.

  рыбалка фота


Фотагалерэя